今日推介美味“粟米魚塊羹”。
唔難煮又可當湯又可當餸,
真係懶人之選。
材料: 一枝新鮮粟米起粒,
一罐忌廉粟米,
雪藏龍脷柳切方塊粒，
滑豆腐切方丁
蛋一隻打混,
薑兩片,
一湯匙生粉魚塊使用,
兩湯匙生粉用少量水開烯。
魚塊做法: 先用半茶匙雞粉避腥味,
半茶匙鹽醮一陣,跟住臨煮前加
一湯匙生粉,用易潔鑊加油和薑煎
到半熟贊酒備用。
羹做法:首先用適量熱水放入粟米芯煲一陣
加新鮮粟米和忌廉粟米蓉後棄粟米芯,
加魚塊和豆腐微滾後加生粉水再滾後,
落鹽後加蛋液即成。